Një shpërthim me tritol ka ndodhur mëngjesin e sotëm në zyrën e noterisë Fran Gjoni në qytetin e Lezhës. Sipas burimeve nga policia, dy autorë kanë përdorur tritol me fitil që e kanë hedhur direkt nga një automjet tip “BMW” me targa të vjedhura.
Pamjet e sigurisë tregojnë dy persona, ku njëri ka qenë shoferi dhe tjetri ka vendosur tritolin te shkallët para noterisë. Pas ngjarjes, autorët janë larguar nga qyteti i Lezhës.
Policia po heton dy pista kryesore: një për lidhjen e mundshme të ngjarjes me Fran Gjonin, noterin që ka kryer këtë detyrë për një kohë të gjatë, dhe tjetra lidhur me vëllanë e tij, Gjin Gjoni, ish-gjyqtar dhe ish-kreu i PD-së në Lezhë, i cili dha dorëheqjen për t’u kandiduar në Primaret e PD-së.
Autoritetet janë duke hetuar për të zbardhur shkaqet e këtij shpërthimi dhe lidhjet e mundshme me zhvillimet politike.
