Kina ka shpallur objektivin e saj për një rritje ekonomike prej 5% për vitin 2025, duke mbajtur të pandryshuar parashikimin e vitit të kaluar, përkundër sfidave ekonomike në rritje, përfshirë tensionet tregtare me Shtetet e Bashkuara.
Kryeministri Li Qiang shprehu optimizëm për mundësitë e rritjes, megjithatë, Kina vazhdon të përballet me disa sfida të mëdha, si kriza në sektorin e pasurive të paluajtshme, rënia e çmimeve të shtëpive dhe eksportet që goditen nga tarifat e reja të vendosura nga administrata Trump.
Analistët theksojnë se këto tarifa do të kenë një ndikim negativ në ekonominë kineze, e cila mbetet e varur nga eksportet dhe një sistem të mbiprodhimit.
