Martin Schulz, ish-President i Parlamentit Europian, i ftuar në një aktivitet sot në Tiranë u kërkoi të rinjve që të përfshihen në politikë për të vendosur për të ardhmen e tyre për të mos e lënë këtë në dorën e të moshuarve.
“Për të rinjtë kam dy këshilla; së pari është një citim i një fituesi të çmimit Nobel për letërsinë që tha “mos u besoni të vjetërve, sepse ata nuk duan t’ja dinë për të ardhmen”.
Prandaj e them vendimet e gabuara që do të marrin të moshuarit sot, do i paguajnë brezat e ardhshëm, prandaj ju të rinjtë duhet të jeni të angazhuar, të përfshirë në këto debate, për të qenë pjesë e asaj pjesë për të kontrolluar të ardhmen, ju po lejoni të tjerët të kontrollojnë të ardhmen tuaj.
Tjetra, këshilla është që të mësoni për popujt e tjerë. Ne jemi një vendi i mirë i fortë, por ka edhe vende të tjera që janë më të mira. Ajo që po them është se praktikat më të mira është modelet e suksesit që ka pasur BE në të shkuarën. Mendimi që ne jemi të parë, ne jemi më të mirët, sjell katastrofë” tha ai.
