Gjykata e Lartë do të shqyrtojë nesër, më 11 mars, rekursin e ish-deputetit të PD-së, Ervin Salianji, i cili kërkon lirimin nga burgu.
Salianji, i dënuar me një vit burg për dosjen “Babale” nga Apeli i Tiranës, po e vuan dënimin në burgun e Fierit që nga 27 shtatori 2024. Seanca është caktuar për nesër në orën 10:00. Salianji kishte kërkuar pezullimin e dënimit më herët, por Gjykata e Lartë e refuzoi këtë kërkesë më 15 tetor 2024.
Ai u dënua për kallëzim të rremë lidhur me një denoncim ndaj vëllait të ish-ministrit të Brendshëm, Agron Xhafa.
