Seanca për shqyrtimin e ankimit të Ajola Xoxës, bashkëshortes së kryetarit të Bashkisë Tiranë, Erion Veliaj, kundër sekuestrimit të dy llogarive bankare, është shtyrë për ditën e mërkurë.
Gjykata kërkon kohë për t’u njohur me prova të reja të paraqitura nga SPAK. Xoxa ka deklaruar se fondet e sekuestruara janë të ligjshme dhe se burimi i të ardhurave të saj është i ligjshëm.
Ajola Xoxa është lënë nën masën e detyrimit për paraqitje, ndërsa bashkëshorti i saj ndodhet në burg. Ajo ka bërë rekurs në Gjykatën e Lartë për vendimin që ka miratuar kontrollin e bizneseve të saj dhe sekuestrimin e celularit, si dhe ka kundërshtuar kontrollet në apartamentin e saj në Sky Tower.
