Sipas agjencisë së lajmeve Reuters, ish-presidenti i Filipineve, Rodrigo Duterte, u arrestua ditën e sotme me kërkesë të Gjykatës Ndërkombëtare Penale (GJNP). Kjo për hetimin e mundshëm për krime kundër njerëzimit, pas vrasjeve masive që ndodhën gjatë “luftës kundër drogës” që ai nisi gjatë mandatit të tij.
Duterte, i njohur për politikat e tij të ashpra, ka urdhëruar masakra ndaj përdoruesve dhe trafikantëve të drogës, ndërsa organizatat për të drejtat e njeriut raportojnë se numri i viktimave mund të jetë shumë më i lartë se 6,200 persona që ka deklaruar policia.
Arrestimi vjen pas një periudhe përplasjeje me GJNP-në, të cilën ai e ka kritikuar vazhdimisht që nga viti 2019.
