Një sërë protestash masive shpërthyen gjatë natës në Beograd, ku grupe studentësh bllokuan selinë e televizionit publik RTS, në qendër të kryeqytetit.
Protestuesit thanë se aksioni do të vazhdojë për 22 orë, duke shtuar se “të gjithë do të mund të dalin nga ndërtesa, por askush nuk do të mund të hyjë”. Ky protestë është pjesë e një lëvizjeje më të gjerë kundër politikave aktuale të qeverisë serbe.
Në solidaritet me protestuesit në Beograd, studentët në Novi Sad gjithashtu bllokuan hyrjet në selinë e Radio Televizionit Vojvodina (RTV) gjatë natës. Një njësi policore që mbërriti për të siguruar daljen e personelit u sulmua, duke plagosur një oficer.
Protestat e studentëve janë përshkallëzuar dhe një nga protestat më të mëdha pritet të mbahet më 15 mars, ku pritet të marrin pjesë rreth 200 mijë protestues.
