Gjykata e Posaçme e Shkallës së Parë për Korrupsionin dhe Krimin e Organizuar ka shpallur dënimin me 35 vite burg për Jemin Ali Sherën për vrasjen e Behar Sofisë.
Dënimi u dha në mungesë të të pandehurit, pasi Shera ndodhet ende në kërkim. Vrasja e Behar Sofisë ndodhi më 25 shkurt 2021, kur një grup kriminal e ekzekutoi biznesmenin në Tiranë.
Hetimet treguan se Shera mori porosinë për vrasjen dhe krijoi grupin për ta realizuar atë, ndërsa motivi i ngjarjes dyshohet të lidhet me përplasjet mes grupeve kriminale për trafikun e drogës.
