Presidenti i Republikës, Bajram Begaj, është nisur sot për në Azerbajxhan, ku do të marrë pjesë në Forumin e 12-të Global të Baku, që do të zhvillohet nga 13 deri më 15 mars.
Në këtë forum, që trajton temën “Rishikimi i Rendit Botëror, shndërrimi i sfidave në mundësi”, presidenti Begaj do të mbajë një fjalim dhe do të ketë takime të veçanta me liderët e tjerë pjesëmarrës.
Forumi Global i Baku-t mblodhi çdo vit liderë shtetesh, qeverish, dhe aktivistë të rëndësishëm nga mbarë bota, të cilët diskutojnë sfidat dhe mundësitë për t’u përballur me çështje globale.
