Seanca në Apelin e GJKKO për Ajola Xoxën është shtyrë sërish për shkak të një avokati të legjitimuar që kërkoi kohë për t’u njohur me aktet e çështjes. Xoxa ka ankimuar vendimin për bllokimin e llogarive të saj bankare dhe argumenton se paratë janë të ligjshme dhe me burime të rregullta.
Seanca e së hënës u shty gjithashtu, pasi Gjykata kërkoi kohë për t’u njohur me disa prova të reja të paraqitura nga SPAK. Ajola Xoxa është lënë nën masën e detyrimit për t’u paraqitur, ndërsa bashkëshorti i saj, Erion Veliaj, është lënë në masën “arrest me burg”.
Xoxa ka bërë rekurs në Gjykatën e Lartë për vendimin e Apelit të GJKKO-së që legjitimoi kontrollet në bizneset e saj dhe sekuestrimin e celularit.
