Sekretari i Përgjithshëm i NATO-s, Mark Rutte, ka mbërritur në Shtëpinë e Bardhë për bisedime me presidentin amerikan, Donald Trump.
Gjatë takimit, Trump theksoi se aleanca është bërë më e fortë falë veprimeve të tij dhe shprehu optimizëm për një zgjidhje të mundshme paqësore në Ukrainë, duke komentuar fjalët premtuese të presidentit Putin për një armëpushim 30-ditor.
“NATO është bërë shumë më e fortë falë veprimeve të mia,” tha Trump.
Trump gjithashtu shpreson që Rusia të “bëjë gjënë e duhur” dhe të kontribuojë në përfundimin e konfliktit.
