Armando Broja po bëhet gati për rikthimin në fushë pas dëmtimit që pësoi më 9 janar në kyçin e këmbës së djathtë. Pas disa javësh stërvitje intensive për të rimarrë formën fizike, sulmuesi i Kombëtares ka qenë në përgatitje të plotë me Evertonin.
Sipas mediave angleze, trajneri David Moyes e konsideron Brojën për t’u grumbulluar për ndeshjen e fundjavës kundër West Ham, e cila do të luhet të shtunën. Ky është një lajm i mirë edhe për Kombëtaren, e cila e do Brojën për dy ndeshjet kualifikuese të Kupës së Botës 2026, ndaj Anglisë më 21 mars dhe Andorrës më 24 mars.
Nëse Everton e grumbullon, mundësia është e madhe që trajneri i Kombëtares, Sylvinho, ta bëjë të njëjtën gjë.
