Për shkak të kushteve të pafavorshme atmosferike, lundrimi i trageteve në linjën Durrës-Bari është pezulluar.
Autoritetet portuale konfirmuan anulimin e nisjeve, ndërsa në Bari është shpallur një paralajmërim portokalli për erëra të forta, që pritet të qëndrojë në fuqi deri më 15 mars. Operatorët kryesorë të linjës kanë shtyrë nisjet e planifikuara përkohësisht.
Ky vendim vjen pas përkeqësimit të kushteve atmosferike, me dallgë që arrijnë deri në 2.5 metra në det.
