Thomas Tuchel, trajneri i Anglisë, ka komentuar ndeshjen e parë të kualifikuesve për Botërorin 2026 kundër Shqipërisë, duke theksuar respektin për skuadrën kuqezi.
Ai e cilëson sfidën si të vështirë, duke u shprehur se Shqipëria ka lojtarë me aftësi teknike të mira që mund të krijojnë probleme.
“Të dy ekipet janë për t’u respektuar edhe pse nuk janë favoritë. Shqipëria ka një trajner shumë të mirë që ka luajtur në nivele të larta. Ka lojtarë me karakteristika të mira individuale që mund të godasin falë aftësive të tyre teknike. Duhet të jemi të përgatitur mirë, pasi do të jenë ndeshje të vështira”.
Ndeshja Angli-Shqipëri do të luhet më 21 mars në “Wembley”.
