Kreu i Këshillit Ndërfetar të Shqipërisë, Dom Gjergj Meta, ka shprehur urimet e tij për Kryepeshkopin e ri të Kishës Orthodokse Autoqefale Joan Pelushi.
Dom Gjergj Meta me anë të një postimi në rrjetet sociale uron që Kryepeshkopi Joan të jetë një zë i fuqishëm dhe bashkëpunues me të gjithë faktorët fetare e civilë të shoqërisë shqiptare.
“Kisha Orthodhokse Autoqefale e Shqipërisë ka një Barit të ri e ne të gjithë kemi fituar një bashkëudhëtar tjetër në rrugën e dialogut ekumenik e të atij ndërfetar në vendin tonë.
E lusim Shpirtin e Hyjit që të qëndrojë gjithmonë mbi Ju e të jeni një Bari i mirë dhe i shenjtë për besimtarët orthodhoksë e një zë i fuqishëm e bashkëpunues me të gjithë faktorët fetarë e civilë të shoqërisë tonë.
Urime Fortlumturi Joani!
I denjë!”, shkruan Dom Gjergj Meta.
