Gjykata e Posaçme e Shkallës së Parë ka rrëzuar kërkesën e Fran Marashit për të kundërshtuar vendimin e Ministrit të Drejtësisë, i cili e kishte vendosur atë në regjim të posaçëm në burgun e sigurisë së lartë.
Kërkesa e Marashit u shpall e papranueshme për shkak të mungesës së tij në seancë. Marashi, i dënuar për masakrën e Urës Vajgurore në vitin 1997, ka të drejtë të ankimojë vendimin në Gjykatën e Posaçme të Apelit brenda 15 ditëve.
Në një vendim të mëparshëm, GJKKO shpalli Fran Marashin fajtor për vrasjen e 4 policëve dhe plagosjen e 6 të tjerëve gjatë masakrës në Urën Vajgurore, duke e dënuar atë me burgim të përjetshëm dhe 108 vite burg.
