Ministri i Ekonomisë, Kulturës dhe Inovacionit, Blendi Gonxhja, ka prezantuar Programin Kombëtar të Strehimit Social, duke theksuar arritjet dhe prioritetet për këtë sektor. Në analizën e tij, ai shprehu shqetësimin për disa bashki që, sipas tij, nuk kanë informacion të plotë mbi programin e strehimit, duke sjellë vonesa dhe mangësi në përmbushjen e detyrave.
Gonxhja theksoi se stafi i disa bashkive, përfshirë edhe kryebashkiakët, vuajnë për informacion të plotë mbi sektorin e strehimit dhe programet e shumta të disponueshme për financime dhe ndihmë ndërkombëtare.
Ai bëri thirrje për një bashkëpunim më të ngushtë ndërmjet institucioneve lokale dhe atyre qendrore për të eliminuar mangësitë dhe për të siguruar mundësi më të mira për qytetarët.
