Në seancën e sotme gjyqësore Fatos Gosa, i pandehuri në dosjen “Plumbi i artë” ka kundërshtuar me forcë akuzat dhe e të penduarit të drejtësisë, Nuredin Dumani.
I penduari i drejtësisë Nuredim Dumani ka akuzuar Fatos Gosan se është personi i cili spiunoi Andi Zylyfin tek ekzekutorët teksa luante domino me të atin e tij. Me tone të larta Gosa tha se nuk ka lidhje me të dhe se nuk e ka takuar asnjëherë atë.
“Jam kot këtu unë. Ta dëgjojnë të gjithë. Nuk kam lidhje. Nuk e kam takuar asnjëherë atë njeri. Vetëm drejtësi dua. Asgjë tjetër. Nuk dua mëshirë. Është gjynah mo”, tha Gosa nga kafazi i sallë së gjyqit.
