Haxhi Thaçi, babai i ish-presidentit të Kosovës, Hashim Thaçi, u përcoll për në banesën e fundit me një ceremoni varrimi në fshatin Burojë të Skënderajt.
Në ceremoninë e varrimit morën pjesë familjarë, miq, si dhe politikanë nga Kosova, Shqipëria dhe Maqedonia e Veriut, ndërkohë që mungoi i biri, Hashim Thaçi, i cili ndodhet në paraburgim në Hagë.
Pavarësisht mungesës së tij, ish-presidenti dërgoi një kurorë me lule me mbishkrimin: “Në spital të thashë lamtumirë, babë. Nga Haga të them, mirupafshim në parajës”.
Hashim Thaçi pati mundësinë ta shihte për herë të fundit babanë e tij disa ditë para vdekjes, më 13 mars, kur ai mori leje nga Gjykata Speciale për shkaqe humanitare.
