Policia Kufitare ka kapur dhe arrestuar një person të shpallur në kërkim ndërkombëtar nga Interpol Shkupi.
Maqedonasi, A. K., 50 vjeç, banues në Maqedoninë e Veriut, u arrestua pas shkëmbimit të informacionit me Interpol Tiranën, në një operacion të policisë kufitare për kapjen e individëve që janë të shpallur në kërkim ndërkombëtar dhe tentojnë të kalojnë kufirin.
A. K. ishte i kërkuar nga autoritetet gjyqësore të Maqedonisë së Veriut, pasi akuzohet për veprën penale të “Vjedhjes.” Tani po punohet për ekstradimin e tij në Maqedoninë e Veriut, në bashkëpunim me Interpol Shkupin dhe Interpol Tiranën.
