Met Upson, ish-mbrojtës i Anglisë, ka vlerësuar ndërhyrjen e shkëlqyer të Berat Gjimshitit, i cili i hoqi një gol të sigurt Harry Kane në pjesën e parë të ndeshjes mes Anglisë dhe Shqipërisë. Upson e quajti bllokimin e Gjimshitit “të pabesueshëm”, duke theksuar se ky ishte një moment kyç për Shqipërinë.
Megjithatë, ai nuk hezitoi të kritikonte stilin e lojës së kuqezinjve, duke thënë se skuadra e drejtuar nga Silvinjo ishte e tërhequr.
“Kemi një skuadër e cila do të qëndrojë e tërhequr. Një ndeshje entuziazmuese ndodh kur janë dy skuadra që përplasin brirët dhe e kërkojnë fitoren”, tha ai.
