Një shtetas shqiptar 33-vjeçar, banues në Vilanova i la Geltrú, Barcelona, është arrestuar në Spanjë, pasi u kap me 799 bimë marijuanë në automjetin e tij. Arrestimi ka ndodhur në Navarra, pas një incidenti në autostradën AP-15, ku shqiptari po udhëtonte në drejtim të gabuar, duke rrezikuar sigurinë rrugore.
Pasi policia i ka dhënë ndihmën e nevojshme për të kthyer mjetin, gjatë kontrollit të automjetit janë gjetur njëmbëdhjetë kutia kartoni të mbushura me bimët narkotike. Pas sekuestrimit të marijuanës, ai është arrestuar për shkelje të sigurisë rrugore dhe trafik droge. I arrestuari është dërguar në ambientet përkatëse për hetime të mëtejshme.
