Kryeministri Edi Rama ka reaguar sot nga Vlora ndaj atyre që po shpërndajnë informacionin se të gjithë socialistët janë nëpër burgje.
Gjatë një takimi lidhur me negociatat e anëtarësimit të Shqipërisë në Bashkimin Evropian, Rama theksoi se ata që janë përballë drejtësisë janë shumë pak dhe se ata që luftojnë për drejtësi janë shumë më të shumtë.
“Ata që thonë se socialistët janë të gjithë nëpër burgje, e para u them ata na marrin të keqen, sepse ata që janë para drejtësisë mund të jenë sa gishtat e dorës kurse ne që luftojmë për drejtësinë në 11 maj mund të bëhemi ndoshta dhe 1 mln”, tha Rama.
