Në një bisedë telefonike të zhvilluar së fundmi, Presidenti rus Vladimir Putin falënderoi Presidentin e Emirateve të Bashkuara Arabe, Mohamed bin Zayed Al Nahyan, për rolin e tij në ndërmjetësimin e shkëmbimit të të burgosurve mes Rusisë dhe Ukrainës.
Sipas një deklarate nga Kremlini, biseda përfshiu gjithashtu diskutime mbi bisedimet ruso-amerikane lidhur me situatën në Ukrainë.
“Presidenti i Emirateve të Bashkuara Arabe mbështeti përpjekjet e ndërmarra nga Rusia dhe SHBA, dhe veçanërisht mirëpriti konsultimet midis grupeve të ekspertëve në Riad sot”, tha RIA Novosti.
Ky shkëmbim i fundit i robërve, i ndodhur më 19 mars, përfshiu 175 persona nga secila palë, ndërsa Emiratet e Bashkuara Arabe raporton se gjithsej rreth 3,000 robër lufte janë shkëmbyer deri tani me ndihmën e tyre.
