Lista e Kombëtares për ndeshjen e sotme ndaj Andorrës mbetet e njëjtë si ndaj Anglisë, duke përjashtuar tre lojtarë: Etnik Brruti, Andi Hadroj dhe Simon Simoni, të cilët do të qëndrojnë në tribunë.
Trajneri Silvinjo ka bërë zgjedhje të guximshme për të lënë Hadrojn jashtë, ndonëse ai është i vetmi lojtar me pozicion natyral në krahët e mbrojtjes, përveç Alijit dhe Balliut. Brruti u ftua në mars, por vetëm si rezervë për raste emergjente, ndërsa portieri Simon Simoni ishte një zgjedhje e pritur për të ruajtur ekuilibrin në ekip.
Largimi i këtyre tre lojtarëve është i detyruar nga rregullat e UEFA-s, e cila lejon vetëm 23 lojtarë të jenë të gatshëm për ndeshje. Ndeshja me Andorrën do të fillojë sot në orën 20:45, në “Arena Kombëtare”.
