Këshilltari i Sigurisë Kombëtare amerikane, Michael Waltz, ka marrë përgjegjësinë për shtimin e një gazetari në një bisedë grupi në aplikacionin Signal, që përfshinte disa zyrtarë të lartë të administratës së ish-presidentit Donald Trump. Grupi diskutonte planet për një sulm të mundshëm ndaj Huthis në Jemen. Waltz e quajti incidentin “të turpshëm” dhe u angazhua të zbulojë si ka ndodhur.
Ai theksoi se ai vetë kishte krijuar grupin dhe se nuk kishte njohuri të mëparshme për gazetarin Jeffrey Goldberg nga revista “The Atlantic”, të cilin ai e kritikoi ashpër për reputacionin e tij.
“Unë mund t’ju them 100% se nuk e njoh këtë njeri. E njoh atë për reputacionin e tij të tmerrshëm, dhe ai vërtet është më i keqi i gazetarëve. Dhe e di atë në kuptimin se ai e urren presidentin, por nuk i dërgoj mesazhe. Nuk ishte në telefonin tim. Dhe ne do të kuptojmë se si ndodhi kjo”, tha Waltz.
Në përpjekje për të hetuar ngjarjen, Waltz premtoi se do të zbulonte se si ka ndodhur rrjedhja e informacionit sekret.
