Sekretari amerikan i shtetit, Marco Rubio u shpreh se Shtetet e Bashkuara të Amerikës do të vazhdojnë të japin përkrahje financiare për shtetet që i ka partnere, megjithatë thotë se ndihmat s’do të jepen në mënyrën se si janë dhënë nga administratat e kaluara.
Ai ka përmendur USAID-in dhe mënyrën se si ka funksionuar financimi për OJQ e për qeveritë e ndryshme, duke thënë se disa projekte kanë qenë të mira, por disa të tjera jo dhe aq.
Rubio u shpreh se tashmë do të kërkojnë nga qeveritë e vendeve partnere, përmes ambasadave respektive, se cilat janë nevojat e tyre dhe do të vendosin pastaj për dhënien e ndihmës.
