Për sot, 27 mars 2025, territori shqiptar do të mbetet nën ndikimin e masave ajrore të paqëndrueshme, duke sjellë vranësira dhe reshje shiu në pjesën më të madhe të vendit. Reshjet më të theksuara priten në zonat veriore dhe jugore, ku mund të ketë rrebeshe shiu.
Në orët e pasdites dhe më pas, vranësirat dhe reshjet e shiut do të përfshijnë të gjithë territorin, ndërkohë që në zonat malore të thella priten reshje të pakta dëbore.
Temperaturat e ajrit do të qëndrojnë të qëndrueshme gjatë mëngjesit, por pritet një rritje e tyre në orët e pasdites, duke arritur nga 4°C në Pukë deri në 21°C në Fier.
Era do të fryjë me shpejtësi mesatare deri të fortë, mbi 40 km/h nga drejtimi verior, duke shkaktuar dallgëzim deri në 3 ballë në brigjet detare.
