Reshjet e shumta prej disa ditësh kanë shkaktuar probleme të shumta në veri të Bosnjë-Hercegovinës dhe në Kroaci. Si pasojë e përmbytjeve janë mbyllur edhe disa shkolla në Bosnjë Hercegovinë.
Situata alarmante paraqitet në qytetin boshnjak Sanski Most. Ekipet e Mbrojtjes Civile kanë dalë në terren, ku po japin ndihmën në zonat që paraqesin rrezik për jetën e qytetarëve.
Në Laktashi, në veriperëndim të Bosnjës dhe Hercegovinës, mbrëmjen e 27 marsit është shpallur gjendja e jashtëzakonshme. Në të gjitha shkollat e qytetit të Derventës, e cila eshte pjese e Republikës Serebe, është ndërprerë procesi mësimor për shkak të rritjes së nivelit të ujit të lumit Ukrina.
Sipas Institutit Federal Hidrometeorologjik, reshje intensive priten deri më 29 mars, ndërsa më pas parashikohet stabilizim gradual i motit dhe ndërprerje e reshjeve deri më 3 prill.
