Papa Françesku i ka dërguar një letër urimi Kryepeshkopit të ri të Tiranës, Durrësit dhe gjithë Shqipërisë, Joan Pelushi, i cili u kurorëzua zyrtarisht sot në Katedralen e “Ngjalljes së Krishtit”.
Papa i ka uruar Kryepeshkopi Joan që të vazhdojë të promovojë dialogun si mjet për të kapërcyer ndarjet dhe kërkimin e bashkësisë së plotë ndërmjet të gjithë dishepujve të Krishtit.
Gjithashtu Papa Françesku shpreson që me udhëheqjen e Kryepeshkopit Joan, marrëdhëniet ndërmjet Kishës së Shqipërisë dhe Kishës Katolike të zhvillohen më tej.
“Jam i sigurt se Virtytshmëria Juaj, duke ndjekur shembullin e pasardhësit tuaj, do të vazhdojë të promovojë dialogun si mjet për të kapërcyer ndarjet dhe për të promovuar kërkimin e bashkësisë së plotë ndërmjet të gjithë dishepujve të Krishtit.
Në fakt, në këto kohë të vështira të shënuara nga lufta dhe dhuna, është gjithnjë e më urgjente që kristianët të japin një dëshmi besnike të unitetit, në mënyrë që bota të mund të pranojë plotësisht mesazhin ungjillor të solidaritetit vëllazëror dhe paqes. Prandaj, kemi përgjegjësinë për të ecur së bashku për të shfaqur gjithnjë e më qartë bashkësinë reale, edhe pse, me keqardhje, ende jo të plotë, që na bashkon tashmë.
Shpresoj me zemër, prandaj, që nën udhëheqjen tuaj atdhetare, marrëdhëniet ndërmjet Kishës së Shqipërisë dhe Kishës Katolike të zhvillohen më tej, duke kërkuar forma të reja të bashkëpunimit të frytshëm në shpalljen e Ungjillit, në shërbimin ndaj atyre që kanë më shumë nevojë dhe në rinovimin e angazhimit tonë për të zgjidhur çështjet që ende na ndajnë përmes dialogut të dashurisë dhe të së vërtetës”, është shprehur Papa.
