Partia Demokratike ka prezantuar dy kandidatët në Lezhë, Lindita Metaliaj dhe Gjin Gjoni. Gjekmarkaj ka postuar në rrjetin social pamje nga prezantimi i dy kandidatëve dhe shprehet se shumë fshatra të Shqipërisë janë lënë pas dore, pa investime dhe mbështetje.
Ai thekson se qeveria për 12 vite ka bërë premtime boshe për vota dhe ka mashtruar shqiptarët.
“Fshati po humb rolin e tij në zhvillimin e vendit për shkak të keqqeverisjes, e cila ka shkatërruar bujqësinë, blegtorinë dhe sektorët jetikë. Arsimi ka pësuar rënie të ndjeshme në cilësi, me klasa kolektive që reflektojnë degradimin e sistemit.
Nuk mund të qëndrojmë duarkryq! Për 12 vite nuk kanë lënë asnjë gjurmë pozitive dhe tani përdorin premtime boshe për vota. Shqiptarët nuk mashtrohen më!
Vota e emigrantëve është jetike. Ata janë larguar nga padrejtësitë e këtij pushteti dhe duhet të angazhohen për të sjellë ndryshimin. Ky regjim, për të mbajtur pushtetin, ka përdorur dhunë, korrupsion dhe manipulime zgjedhore.”, shprehet Gjekmarkaj.
Ai ka nënvizuar se me programin e Partisë Demokratike do të ketë ndryshim, si dhe do të luftohet kundër korrupsionit dhe kriminalitetit.
