Oltion Buzi, administratori i “Buzi Sport” është dorëzuar në policinë e Tiranës. Ai që prej muajit janar ishte shpallur në kërkim, për evazion fiskal, pasi nuk kishte deklaruar rreth 3.7 milionë euro.
Ndaj tij gjykata kishte caktuar në mungesë masën e sigurisë “arrest në burg” për veprën penale ‘Fshehje të ardhurash’.
Hetimet kishin nisur që në vitin 2024, dhe sipas prokurorisë u zbulua se ‘Buzi Store’ nuk ka deklaruar 3.7 milionë euro të ardhura në autoritetet tatimore.
Nga hetimet ka rezultuar se ‘Buzi Store’ përdorte një sistem kompjuterik të paautorizuar për monitorimin dhe lëshimin e faturave tatimore. Gjithashtu në disa raste ‘Buzi Sport’ lëshonte fatura me vlera më të mëdha, ndërkohë që deklaronte një vlerë shumë më të vogël për qëllime tatimore, duke shmangur kështu pagesën e detyrimeve tatimore.
