Ditën e sotme kryeministrja e Italisë Giorgia Meloni dhe zv.presidenti amerikan J.D., Vance kanë zhvilluar një takim. Në takim janë biseduar marrëdhëniet e shkëlqyera mes dy vendeve. Qevria italiane ka publikuar deklaratën për takimin.
“U nënvizua vullneti i përbashkët për të forcuar bashkëpunimin në fushën e sigurisë, zhvillimit ekonomik dhe progresit teknologjik, siç përcaktohet në deklaratën e përbashkët të miratuar gjatë takimit të fundit të kryeministres Giorgia Meloni me presidentin amerikan Donald Trump në Uashington”, thuhet në deklaratë.
Sipas qeverisë italiane, biseda Meloni – Vance lejoi diskutime të mëtejshme të thelluara mbi çështjet tregtare dhe çështjet kryesore të aktualitetit politik ndërkombëtar, duke filluar me përpjekjet për një paqe të drejtë dhe të qëndrueshme në Ukrainë.
