Presidenti francez Emmanuel Macron në funeralin e Papa Françeskut u takua me homologun ukrainas Zelensky dhe thotë se ai pati një “shkëmbim shumë pozitiv”.
Zelensky i tha Macronit se Ukraina është “gati për një armëpushim pa kushte”, duke shtuar se “përfundimi i luftës në Ukrainë është qëllimi që ne ndajmë me Presidentin Trump”.
Në një postim në X, Macron thotë se tani i takon presidentit rus Vladimir Putin të “dëshmojë se ai me të vërtetë dëshiron paqen”.
“Ne do të vazhdojmë punën tonë në kuadrin e koalicionit të vullnetarëve të nisur në Paris marsin e kaluar, për të arritur si këtë armëpushim dhe një paqe të plotë dhe të qëndrueshme në Ukrainë,” shton Macron.
