Kryetarja e Kuvendit, Elisa Spiropali deklaroi se PS nuk zbret poshtë 74 mandateve në zgjedhjet e 11 Majit.
“Erion Veliaj? Kjo është një pyetje për t’u bërë për arsye elektorale, por unë do ta nis nga fakti që ne jemi tmerrësisht të keqardhur për atë që ka ndodhur, nga pikëpamja njerëzore, koleg, por edhe për një njeri që ka meritat e tij në transformimin e Tiranës.
Por të gjitha këto ndjesi kanë shërbyer për të dalë për me armët e partisë për të mbrojtur Erionin? Jo. Në asnjë rast. Zgjedhja ka qenë shumë e qartë.
Në qarkun e Tiranës unë besoj se nuk do të biem nën 19 mandate, dyshemeja është 19-të dhe ne synojmë 20 mandate.
Ne besojmë që do të marrim një fitore më të madhe dhe më të sigurtë dhe më të gjithpërfirëse sesa zgjedhjet e 2021, nëse kemi marrë 74 mandate, nuk ka diskutim se kjo është dyshemeja, do të marrim më shumë” tha ajo tek Opinion.
