Presidenti serb Aleksandër Vuçiç po përgatitet për takimin me Presidentin amerikan Donald Trump. Vuçiç tha se ishte konsultuar me udhëheqës si Meloni dhe Orban se si t’i afrohej Trumpit. Vuçiç ka thënë se do të kërkojë bekimin e Trumpit për të vizituar Putinin në Moskë më 9 maj.
“Këta njerëz kanë shumë më tepër përvojë në bisedat me Trumpin. E kam parë tri herë në jetën time; kam folur dy herë me të. Më thanë se është gjithmonë më mirë të flasësh me të në Mar-a-Lago sesa në Uashington.
Kudo që flas me të, ai është Presidenti i Amerikës dhe ajo që është e rëndësishme për mua është se cilat tema do të ngre dhe çfarë do të jem në gjendje të bëj” tha ai.
