Në janar të vitit të kaluar, gruaja e ish-futbollistit Bledi Shkëmbi dhe babai i saj u plagosën tek ura e Selitës në Tiranë, pasi i zunë skelat e hekurit të një pallati në ndërtim.
Imelda Shkëmbi dhe babai i saj, Hysen Lavdari kanë kërkuar në Gjykatën e Tiranës dëmshpërblim në masën e 100 milionë lekëve të vjetra. Gjithashtu kanë kërkuar që Gjykata e Tiranës të sekuestrojë llogarië bankare të kompanisë ndërtuese.
Çështja është regjistruar sot në Gjykatën e Tiranës dhe shorti për gjykim i ka rënë magjistrates Ina Hoxha.
