Depërtimi i masave ajrore të ngrohta dhe të lagështa do të vazhdojë të ndikojë kushtet atmosferike në vend, duke sjellë alternime mes kthjellimeve dhe vranësirave. Këto të fundit do të shoqërohen herë pas here me reshje shiu, kryesisht me intensitet të ulët deri mesatar.
Në orët e pasdites pritet një shtim i ndjeshëm i vranësirave, i shoqëruar me reshje në të gjithë territorin. Në zonat verilindore, reshjet do të jenë më intensive dhe në formë rrebeshi.
Temperaturat do të jenë në rritje të lehtë, me minimumet që do të zbresin deri në 8°C në zonat malore dhe maksimumet që do të ngjiten deri në 27°C.
Era do të fryjë mesatare deri e fortë gjatë gjithë ditës, me shpejtësi që mund të arrijë deri në 55 km/h, kryesisht nga drejtimi jugor.
