Një incident ndodhi gjatë një shfaqjeje ajrore të skuadriljes akrobatike italiane Frecce Tricolori në ishullin Pantelleria.
Gjatë një prej manovrave të para, dy prej avionëve u përplasën në ajër. Një avion tjetër preku gjithashtu njërin prej tyre.
Një nga avionët, i cili kishte pësuar dëmtime të konsiderueshme përfundoi jashtë pistës pas një uljeje emergjente.
Piloti i tij, Luca Battistoni 32 vjeç, u plagos lehtë dhe u shtrua në spital pasi pësoi një dëmtim në gju, por ndodhet jashtë rrezikut për jetën.
Ndërsa dy avionët e tjerë arritën të uleshin pa probleme dhe pa dëmtime për ekuipazhin.
