Presidenti i SHBA-së, Donald Trump, e ka quajtur “turp” rritjen e tensioneve midis Indisë dhe Pakistanit, duke shprehur shqetësim për përshkallëzimin e mundshëm të situatës. Gjatë një ceremonie betimi për Steve Witkoff, i dërguari special i SHBA-së në Lindjen e Mesme, Trump tha se ishte për të ardhur keq që tensionet midis dy vendeve arritën një nivel të tillë.
“Është për të ardhur keq, sapo dëgjuam për këtë ndërsa kalonim nëpër dyert e Ovalit,” tha Trump për gazetarët. Ai shtoi se disa njerëz mund të kishin pritur që diçka do të ndodhte, duke iu referuar konflikteve të kaluara mes dy vendeve.
Trump shprehu shpresën që ky konflikt të përfundojë shpejt, duke theksuar se India dhe Pakistani kanë luftuar për një kohë të gjatë. “Shpresoj vetëm që të përfundojë shumë shpejt,” tha ai.
