Sot, më 11 maj Shqipëria ka nisur procesin e votimit për zgjedhjet parlamentare. Sipas të dhënave të Komisionit Qendror të Zgjedhjeve (KQZ), deri në orën 12:00, pjesëmarrja në votime në rang vendi ka arritur në 21.94%. Ky raportim ka ardhur nga 2222 nga 5225 qendrat e votimit të regjistruara. Deri tani, nga 1,487,537 zgjedhës në qendrat e raportuara, kanë votuar 326,391 qytetarë.
Në krahasim me zgjedhjet parlamentare të 25 prillit 2021, pjesëmarrja deri në orën 12:00 ishte më e lartë, duke shënuar 27.24%.
Ndërkaq, deri në orën 11:00, përqindja e pjesëmarrjes ka qenë 17.38%, e raportuar nga 3207 qendra votimi. Kjo tregon një rritje të ngadalshme të numrit të votuesve krahasuar me të njëjtën periudhë të zgjedhjeve të kaluara.
