Kryetarja e Kuvendit Elisa Spiropali priti sot paradite Sekretarin e Përgjithshëm të OSBE-së, Feridun Hadi Sinirlioğlu në Tiranë, ku po merr pjesë në Samitin e Komunitetit Politik Europian.
Gjatë takimit Spiropali vlerësoi bashkëpunimin me OSBE-në dhe rolin e saj kyç në mbështetje të Kuvendit dhe modernizimin e shërbimeve parlamentare.
Ajo theksoi rëndësinë e anëtarësimit të Shqipërisë në Bashkimin Europian deri në vitin 2030 dhe ndikimin pozitiv që kjo do të ketë për rajonin e Ballkanit Perëndimor.
Gjithashtu, Spiropali falenderoi Sinirlioğlu për monitorimin e zgjedhjeve të 11 majit dhe e siguroi se Kuvendi do të analizojë me kujdes gjetjet dhe rekomandimet e misionit të OSBE/ODIHR.
