Nënpresidenti i Shteteve të Bashkuara, J.D. Vance, pati një takim të rëndësishëm të dielën në Romë me presidenten e Komisionit Evropian, Ursula von der Leyen, dhe kryeministren italiane Giorgia Meloni, me shpresën se ky takim do të ndihmojë në rifillimin e bisedimeve tregtare mes Bashkimit Evropian dhe SHBA-së.
“Evropa është një aleate e rëndësishme e Shteteve të Bashkuara… por natyrisht kemi edhe disa mosmarrëveshje, siç ndodh mes miqve, për çështje si tregtia,” deklaroi Vance, i ulur pranë von der Leyen dhe Melonit në Romë, pas pjesëmarrjes së tyre në meshën e fronëzimit të Papës Leoni.
“Besoj se do të kemi një diskutim shumë të mirë dhe shpresoj që kjo të jetë fillimi i negociatave tregtare afatgjata dhe i përfitimeve të përbashkëta tregtare për Evropën dhe Shtetet e Bashkuara,” shtoi ai.
