Mëngjesin e sotëm, Papa Leoni dhe zv.presidenti i SHBA-së, JD Vance janë takuar. Vance ishte në Romë pasi mori pjesë në meshën inaguruese të Papës së ri që u mbajt një ditë më parë.
Në lidhje me takimin e Papës me Vance, Vatikani ka dhënë disa detaje ku tregoi se kanë patur një shkëmbi, pikëpamjesh mbi disa çështje aktuale ndërkombëtare.
“Pati një shkëmbim pikëpamjesh mbi disa çështje aktuale ndërkombëtare, duke bërë thirrje për respektimin e ligjit humanitar dhe të drejtës ndërkombëtare në zonat e konfliktit dhe për një zgjidhje të negociuar midis palëve të përfshira”, tha Vatikani.
