Gjatë fundjavës reshje të dendura të shiut kanë goditur provincat Guangdong dhe Guangxi të Kinës jugore. Si pasojë kanë humbur jetën gjashtë persona, si dhe janë dëmtuar sistemet hekurudhore dhe të energjisë.
Autoritetet kanë paralajmëruar për përmbytje dhe rrëshqitje toke në disa pjesë të vendit.
Mediat kineze reportojnë se më shumë se 620 mijë familje në Guanxi janë zhytur në errësirë ditët e fundit për shkak të shiut.
Ndërsa transmetuesi shtetëror CCTV raportoi se priten reshje të dendura shiu sot dhe nesër në zona të tilla si provinca Xinjiang.
