Ditën e sotme të burgosurit gjeorgjianë dhe shqiptarë kanë protestuar në burgun e Korfuzit. Ata protestuan kundër kontrollit që u ushtrua në qelitë e tyre disa ditë më parë, ku dhe u gjetën disa telefona celularë.
Tensionet u rritën në protestë, ku të burgosurit u vunë flakën dyshekëve.
Mediat greke raportojnë se pas ndërhyrjes së Departamentit të Zjarrfikësve dhe oficerëve të burgut, zjarri që të burgosurit i vunë në dyshekë dhe objekteve të tjera u shua.
Gjithashtu raportojnë se të dënuarit shqiptarë dhe gjeorgjianë ankohen se diskriminohen për shkak të origjinës së tyre dhe se për rrjedhojë atyre nuk i plotësohet asnjë kusht i të drejtave themelore të njeriut.
