Real Madrid ka pësuar një tjetër goditje nga dëmtimet gjatë këtij sezoni, me 18-vjeçarin Endrik që është i fundit që do të mungojë për “galaktikët”. Sulmuesi brazilian u dëmtua gjatë ndeshjes së fundit ndaj Sevijas, duke u larguar pas 58 minutash lojë. Raportohet se Endrik do të mungojë për dy muaj, çka do ta bëjë të pamundur pjesëmarrjen e tij në Botërorin e Klubeve.
Endrik, i cili u transferua në verën e kaluar nga Palmeiras për të firmosur deri në vitin 2030, ka pasur një sezon të mirë debutues, duke shënuar shtatë gola në 37 ndeshje. Real Madrid tani ka gjithë fokusin në Botërorin e Klubeve, ku synon të mbyllë sezonin me një tjetër trofe.
