Gjykata Kushtetuese e Rumanisë (CCR) ka refuzuar kërkesën e paraqitur nga George Simion, kreu i AUR-së, për anulimin e rezultateve të zgjedhjeve presidenciale të vitit 2025, duke e cilësuar atë të pabazuar. Vendimi i dhënë unanimisht nga gjykata i hap rrugën për konfirmimin dhe njohjen formale të rezultateve të zgjedhjeve, ku fitues doli Nicușor Dan, kandidati pro-BE.
“Në seancën e 22 majit 2025, Gjykata Kushtetuese, në ushtrim të autoritetit të saj për të siguruar pajtueshmërinë me procedurën për zgjedhjen e presidentit të Rumanisë, shqyrtoi kërkesën e paraqitur nga Z. George-Nicolae Simion për anulimin e zgjedhjeve për postin e presidentit të Rumanisë. Pas shqyrtimeve, Gjykata Kushtetuese e hodhi poshtë unanimisht kërkesën si të pabazuar,” njoftoi gjykata.
