Një qendër e re shëndetësore është hapur për banorët e njësisë 11 në Laprakë. Ministrja e Sëndetësisë dhe Mbrojtjes Civile, Albana Koçiu pa nga afër ambientet e kësaj qendre në rrugën “Josif Pashko”. Në këtë qendër do të marrin shërbime shëndetësore rreth 5000 banorë të kësaj zone.
Koçiu vlerësoi bashkëpunimin me Kishën Katolike dhe u shpreh se kjo qendër do të ofrojë shërbime të shtuara në aspektin social.
“Kjo mundësi që na dhatë për t’i shërbyer 5000 qytetarëve që marrin shërbim në këtë pikë të sapo hapur është një mundësi fantastike. Një falenderim edhe për ju që e bëtë të mundur sepse vërtet i shërben të gjithë komunitetit”, u shpreh ministrja Koçiu.
