Boris dhe Carrie Johnson janë bërë prindër për herë të katërt, duke mirëpritur një vajzë të vogël në familjen e tyre. Lajmin e bukur e ka ndarë vetë Carrie në rrjetet sociale, ku ka publikuar edhe disa foto emocionuese nga momenti i lindjes së vajzës së tyre, Poppy Eliza Josephine Johnson, më 21 maj.
“Nuk mund ta besoj sa e bukur dhe e vogël je. Ndihem kaq me fat. Të gjithë jemi tërësisht të dashuruar me ty. Nuk jam e sigurt nëse kam fjetur qoftë edhe një minutë që kur linde, sepse s’mund të ndalem së të vëzhguari,” shkruan Carrie.
Ajo shtoi gjithashtu: “Wilf, Romy dhe Frank janë të lumtur pa masë, veçanërisht Romy, e cila dëshironte me ngulm një motër të vogël. Jeta nuk mund të jetë më e bukur se kaq.”
